Almaniyanın cənub-qərbindəki Rorbax həbsxanasının qadınlar bölməsində yanğın baş verib, nəticədə 9 nəfər yaralanıb.

"Report" "Bild" qəzetinə istinadən xəbər verir ki, yanğın yerli vaxtla saat 06:00 radələrində kameraların birində baş verib.

"Yanğın nəticəsində doqquz nəfər xəsarət alıb. Dörd məhbus, müəssisənin dörd əməkdaşı və bir yanğınsöndürən yaxınlıqdakı klinikalara yerləşdirilib", - nəşr qeyd edib.

Məhbuslardan biri xilasedici helikopterlə Lüdviqshafen travmatologiya klinikasının ixtisaslaşdırılmış yanıq mərkəzinə çatdırılıb. Həbsxananın daha dörd əməkdaşı isə profilaktik tibbi müayinədən keçir.

Yanğının söndürülməsində 45 yanğınsöndürən iştirak edib. Yanğının dəqiq səbəbi müəyyənləşdirilir, lakin istintaq qəsdən yandırmanı əsas versiya kimi nəzərdən keçirir.

"Hazırda biz bunun qəsdən yandırma olduğu qənaətindəyik. Bu versiya yoxlanılır", - həbsxana rəisi Annabel Frantsen "Bild"ə bildirib.

Oxşar xəbərlər

1 saylı İxtisaslaşdırılmış Poliklinikanın Laboratoriya şöbəsinin açılışı olub

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Yol hərəkəti təhlükəsizliyi üçün profilaktik işlər davam edir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

"Xilasedici" Azərbaycan çempionu olub