Ailənin uzun illər sonra dünyaya gələn yeganə övladı binadan yıxılaraq həyatını itirib.

BAKU.WS Xəzər TV-yə istinadən xəbər verir ki, faciəli hadisə Tərtər şəhərinin Nizami küçəsində baş verib.

Azyaşlının atası bildirib ki, iki yaşlı övladı olduqca aktiv uşaq olub. Hadisə onun anasının bir anlıq nəzarətindən yayınması nəticəsində baş verib.

Uşaq dərhal xəstəxanaya çatdırılsa da, onun həyatını xilas etmək mümkün olmayıb. Ailə cəmi iki gün sonra - mayın 13-də balaca Muradın doğum gününü qeyd etməyə hazırlaşırmış.

Yaxınlarının sözlərinə görə, Murad ailənin uzun illər sonra dünyaya gələn yeganə övladı olub.

Bərdə Rayon Mərkəzi Xəstəxanasından verilən məlumata əsasən, 2024-cü il təvəllüdlü azyaşlı dünən saat 12 radələrində ağır vəziyyətdə tibb müəssisəsinə çatdırılıb.

Həkimlər ona burun sümüklərinin sınığı, kəllə-beyin travması və kəllə əsası sınığı diaqnozları qoyublar.

Aparılan intensiv reanimasiya tədbirlərinə baxmayaraq, uşağın həyatını xilas etmək mümkün olmayıb.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Ümumdünya Əməyin Mühafizəsi Gününə həsr olunmuş konfrans keçirilib

Azərbaycan Həmkarlar İttifaqları Konfederasiyasında Zəfər Gününə həsr olunmuş tədbir keçirilib

Doğulanda atası 40 qoyun kəsdirdi, anası bəzəndi deyə onu döydü - Reanimasiyada olan Fatih Ürek haqqında BİLİNMƏYƏNLƏR