İyunun 27-də Milli Gimnastika Arenasında təşkil olunacaq "UFC Fight Night Baku" turnirinin bütün döyüşləri açıqlanıb.

Bu barədə "Far.Az"a Bakı Şəhər Halqası Əməliyyat Şirkətindən məlumat verilib.

Gecənin əsas döyüşündə təmsilçimiz Rafael Fiziev yüngül çəki dərəcəsində Manuel Torreslə (Meksika) qarşılaşacaq. Yarışın ikinci əsas döyüşündə isə orta çəkidə Şarabutdin Maqomedov (Rusiya) braziliyalı Miçel Pereyra ilə üz-üzə gələcək.

Nazim Sadıxov yüngül çəkidə Mateus Kamilo (Braziliya) ilə münasibətləri aydınlaşdıracaq. Asu Almabayev (Qazaxıstan) reytinq xarakterli döyüşdə Çarlz Conson (ABŞ) ilə üz-üzə gələcək.

Orta çəkidə İkram Aliskerov (Rusiya) braziliyalı Bruno Ferreyra ilə, almaniyalı Abus Maqomedov polşalı Mixal Oleksiyçukla qarşılaşacaq.

Yarımağır çəkidə Abdul Rəhman Yahyayev (Rusiya) Culius Uolkerlə (ABŞ), UFC-də debüt edəcək həmyerlimiz Fərman Həsənov isə yarımorta çəkidə Erik Nolanla (ABŞ) üz-üzə gələcək.

Orta çəkidə İsmayıl Naurdiyev (Mərakeş) italiyalı Marvin Vettori ilə, özbəkistanlı Nursulton Ruziboyev rusiyalı Andrey Pulyayev ilə qarşılaşacaq.

Yarımorta çəkidə Daniil Donçenko (Ukrayna) isveçli Andreas Qustafsson ilə qarşılaşacaq. Bantam çəkidə isə Bekzat Almaxan (Qazaxıstan) braziliyalı Jan Matsumotonu sınağa çəkəcək.

Oxşar xəbərlər

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

UFC Bakı Şəhər Halqası ilə çoxillik tərəfdaşlıq çərçivəsində Azərbaycana qayıdır

UFC ilk dəfə Azərbaycanda!

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

Azərbaycan millisi "FIFA Series - 2026" turnirinin qalibi olub - YENİLƏNİB-6