Azərbaycanın Bağdaddakı səfiri Eldar Səlimov İraq Türkman Cəbhəsinin (İTC, İraq türkmanların siyasi birliyi) Baş Qərargahında olub.

"Report" xəbər verir ki, E. Səlimov bu barədə "X" sosial şəbəkə hesabında paylaşım edib.

Səfir burada İTC sədri və Kərkük vilayətinin qubernatoru Mehmet Səman Ağa ilə görüşüb.

"Millət vəkilləri və vilayət rəhbərliyi ilə Azərbaycanla İraq türkmanları arasındakı çoxşaxəli əlaqələrin gələcəyini, ortaq layihələri dəyərləndirdik", - E. Səlimov bildirib.

Səfir həmçinin qubernator ilə tarixi Kərkük Qalasını ziyarət etdiyini vurğulayıb:

"Qədim mədəniyyətimizin bu unikal rəmzi hazırda genişmiqyaslı bərpa və yenidənqurma işlərinə ehtiyac duyur. Arzu edirəm ki, bu qədim abidə tezliklə layiq olduğu ehtişama qovuşsun".

Qeyd edək ki, Kərkükə təxminən bir əsr sonra türkman qubernator seçilib və prezident tərəfindən təsdiqlənib.

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

İlham Əliyev Zəngilanda ilk yaşayış kompleksinə köçən ailələrlə görüşüb

İlham Əliyev Xocavənd şəhər və Xocavənd kənd sakinləri ilə görüşüb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Leyla Əliyeva Mingəçevirdə şəhid ailəsini ziyarət edib, bir sıra sosial müəssisələrlə tanış olub