Rusiyanın xarici işlər naziri Sergey Lavrov oktyabrın 15-də Bakıda keçiriləcək Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) VII sammitində iştirak edəcək.

BAKU.WS xəbər verir ki, bu barədə Rusiya Xarici İşlər Nazirliyi məlumat yayıb.

Bildirilib ki, sammitdə AQEM-in gələcək inkişafı və təşkilatın Avrasiya məkanında çoxtərəfli əməkdaşlıq sisteminə inteqrasiyası məsələləri müzakirə olunacaq.

Tədbir çərçivəsində praktiki əməkdaşlığın müxtəlif istiqamətləri, o cümlədən Rusiyanın kuratorluq etdiyi kiçik və orta sahibkarlığa dəstək, eləcə də beynəlxalq informasiya təhlükəsizliyinin təmin edilməsi məsələlərinin nəzərdən keçirilməsi nəzərdə tutulur.

Sammit iştirakçıları, həmçinin aktual beynəlxalq və regional məsələlər ətrafında fikir mübadiləsi aparacaqlar.

Oxşar xəbərlər

Bakıda Azərbaycan səhiyyəsi üçün önəmli tədbir keçirilib

Bakıda AQEM-in Media Forumu keçirilib

Bakıda AQEM Media Forumunun açılış mərasimi keçirilib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Prezident İlham Əliyev Yaxın Şərq Sülh Sammitində iştirak edib