Bu gün enerji transformasiyası və şəhərsalma siyasəti bir-birini tamamlayan iki əsas sahəyə çevrilib.

"Far.Az" xəbər verir ki, bunu Türkiyənin ətraf mühit, şəhərsalma və iqlim dəyişikliyi nazirinin müavini Hasan Suver Ümumdünya Şəhərsalma Forumu (WUF13) çərçivəsində keçirilən "Yüksəksəviyyəli Enerji və Şəhər Dialoqu"nda deyib.

Onun sözlərinə görə, WUF13-də təkcə şəhərlərin bugünkü ehtiyacları müzakirə edilmir: "Bu tədbirə həm də gələcək nəsillərə qoyub gedəcəyimiz yaşayış sahələrini, iqlim dəyişikliyinə qarşı ortaq dayanıqlılığımızı və D8 ölkələri olaraq davamlı inkişaf baxışımızı müzakirə etmək üçün toplaşmışıq".

O qeyd edib ki, Türkiyə D8-i təkcə iqtisadi əməkdaşlıq platforması deyil, ekoloji həmrəyliyi, yaşıl inkişafı və ortaq gələcək baxışı gücləndirmək üçün strateji bir zəmin kimi görür: "Bu gün enerji transformasiyası və şəhərsalma siyasəti bir-birini tamamlayan iki əsas sahəyə çevrilib. Enerji səmərəliliyi yüksək olan binalar, təmiz nəqliyyat sistemləri, bərpa olunan enerji infrastrukturları, ağıllı şəhər tətbiqləri, yaşıl infrastruktur və davamlı mənzil layihələri şəhərlərimizin gələcəyini formalaşdırır".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib