"Sauthempton" klubu casusluq qalmaqalına görə İngiltərə Premyer Liqasına yüksəlmək uğrunda keçiriləcək pley-offun final matçından kənarlaşdırılıb.

"Far.Az" xəbər verir ki, bu barədə jurnalist Rob Harris "X" sosial şəbəkəsində məlumat yayıb.

Mayın 23-də "Sauthempton"un "Uembli" stadionunda "Hall Siti" ilə qarşılaşması nəzərdə tutulub. Həmin oyunun qalibi gələn mövsüm İngiltərə Premyer Liqasında çıxış etmək hüququ qazanacaqdı.

Məlumata görə, "Sauthempton" nümayəndələri pley-offun yarımfinal oyunları ərəfəsində "Midlsbro"nun məşqlərini izləyiblər. Bundan əlavə, onların dekabrda "Oksford Yunayted"ə və apreldə "İpsviç"ə qarşı keçirilən çempionat oyunları öncəsi də rəqib komandaların məşqlərini izlədikləri bildirilib.

Qeyd olunub ki, "Sauthempton" növbəti mövsüm yenə Çempionşipdə çıxış edəcək və komandanın 4 xalı silinəcək.

Premyer Liqaya vəsiqə uğrunda keçiriləcək final görüşündə isə "Hall Siti" yarımfinalda "Sauthempton"a uduzan "Midlsbro" ilə qarşılaşacaq. Həmin oyunlar 0:0 və 1:2 hesabları ilə yekunlaşıb.

Oxşar xəbərlər

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Azərbaycan və BƏƏ prezidentləri Cıdır düzündə Qarabağ atlarının şousunu izləyiblər

Beynəlxalq federasiya rəhbərləri Bakıda avarçəkmə məşqlərini izləyiblər

Media nümayəndələri Bakı Olimpiya Stadionunda WUF13-lə bağlı görülən işlərlə tanış olublar

Qış turizm mövsümü öncəsi daxili turizm imkanları nümayiş etdirilib