Məhəllə profilləri şəhər planlaşdırmasında daha dəqiq müdaxilələrə imkan verir.

"Far.Az" xəbər verir ki, bunu BMT-nin Məskunlaşma Proqramının (UN-Habitat) nümayəndəsi Tarek Osseiran Bakıda keçirilən Ümumdünya Şəhərsalma Forumu (WUF13) çərçivəsində təşkil olunmuş "İnteqrasiya olunmuş Şəhər Həlləri və Mənzil üçün İnsan Təhlükəsizliyindən İstifadə - BMT-nin Birgə Fəaliyyətindən Dərslər" adlı tədbirdə bildirib.

Onun sözlərinə görə, UN-Habitat və UNICEF əsasən çox sayda suriyalı qaçqına ev sahibliyi edən şəhərlərdə bir sıra məhəllələri təhlil edib: "Biz qaçqınların şəhərlərə və məhəllələrə təsirini anlamaq, həmçinin demoqrafiyadakı bu dəyişikliyin insan təhlükəsizliyinə törətdiyi təhdidləri - əsasən də əsas xidmətlərin çatışmazlığı, bəlkə də təhlükəsiz mühit və sosial həmrəylik baxımından - müəyyən etmək üçün məhəllə profilləşdirilməsindən istifadə etdik. Beləliklə, profillər bizə vəziyyəti daha yaxşı anlamaqda və gələcək müdaxilələrimizi planlaşdırmaqda həqiqətən kömək etdi. İnsan təhlükəsizliyi ilə bağlı bu layihə həqiqətən də məhəllə profilinin nəticələrinə əsaslanırdı. Tripoli bələdiyyəsi də bizimlə idi, əvvəldən onlar bu növ işin bir parçası idilər və bəlkə də məhz buna görə bu layihə başlanğıcda uğurlu oldu və indiyə qədər davam etdi. ​Yəni, bu, sadəcə profillərin çox geniş, müxtəlif məsələlərə və sektorlara toxunduğunu demək üçündür".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN