Qlobal Ümumi Daxili Məhsulun (ÜDM) yalnız 0.6 %-i mədəniyyət sahəsindəki ictimai fondlara xərclənir.

"Report" xəbər verir ki, bunu BMT-nin Məskunlaşma Proqramının (UN-Habitat) İctimai Məkan və Dövlət Siyasəti üzrə eksperti Katriya Bulutoğlu WUF13 çərçivəsində keçirilən "Şəhər icmaları üçün dayanıqlı, davamlı və adekvat mənzil təminatını dəstəkləyən ictimai infrastruktur obyektləri" adlı tədbirdə deyib.

O bildirib ki, hazırda milyonlarla insan qeyri-adekvat mənzil şəraitindən əziyyət çəkir:

"Bəzi insanların çoxşaxəli böhran adlandırdığı bir vəziyyətin şahidi oluruq. Bura iqlim dəyişikliyi, eləcə də qeyri-adekvat mənzil şəraiti və qeyri-müəyyən mühitlərlə bağlı bir-biri ilə kəsişən çətinliklər daxildir. Bu hesabatın aid olduğu kontekst məhz budur. Biz UN-Habitatın İctimai Məkan qrupunun üzvləri olaraq dünyanın 100 müxtəlif şəhərində fəaliyyət göstəririk. Biz burada ictimai məkana bir-biri ilə əlaqəli üç fərqli sahə prizmasından baxırıq. Bunlar küçələr, açıq məkanlar və ictimai obyektlərdir".

K.Bulutoğlu əlavə edib ki, qlobal Ümumi Daxili Məhsulun (ÜDM) yalnız 0,6 %-i mədəniyyət sahəsindəki ictimai fondlara xərclənir:

"Biz ictimai obyektlərin əhəmiyyətini vurğulamaq istəyirik. Onlar təhlükəsiz və inklüziv məkanlardır. Burada söhbət təkcə iqlim sığınacaqları kimi obyektlərdən yox, həm də müxtəlif icmaları bir araya gətirən obyektlərin oynaya biləcəyi roldan gedir. Ev sahibi olan icmalarla ölkə daxilində məcburi köçkün düşmüş insanların birgə yaşadığı yerlərdə və ya şəhərdəki digər icmalar üçün bunun əhəmiyyəti böyükdür".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2