Paytaxtın Sabunçu rayonunun Zabrat-2 qəsəbəsində kanalizasiya və su problemi ilə bağlı daha əvvəl Baku TV tərəfindən çəkiliş aparılıb. Ərazidə müəyyən işlər görülsə də, sakinlərin sözlərinə görə, problem bu günə qədər tam həllini tapmayıb.

Hazırda ərazidə qazıntı işləri aparılıb. Sakinlər bildirirlər ki, təxminən 15 gündür yolun bir hissəsi bu vəziyyətdədir. Qazılmış ərazidə böyük həcmdə torpaq və su toplanıb, müxtəlif boru və kommunikasiya xətləri açıq vəziyyətdə qalıb.

Sakinlərin sözlərinə görə, ərazidə diametri 300 millimetr olan borulardan biri partlayıb və su axmağa başlayıb. Onlar iddia edirlər ki, müvafiq qurumun əməkdaşları suyun qarşısını almaq üçün borunun ağzına taxta parçaları yerləşdiriblər.

Sakinlərin əsas tələbi qazıntı işlərinin tezliklə başa çatdırılması, yolun əvvəlki vəziyyətinə qaytarılmasıdır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər" - MÜSAHİBƏ

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər"

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3