Azərbaycanın işğalda azad edilmiş ərazilərində yenidənqurma dövlət siyasətinin əsas istiqamətlərindəndir.

"Far.Az" xəbər verir ki, bunu maliyyə nazirinin I müavini, İpoteka və Kredit Zəmanət Fondunun Müşahidə Şurasının üzvü Anar Kərimov Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Mənzil Maliyyələşdirilməsi üçün Yeni Razılaşma" adlı tədbirdə bildirib.

"İpoteka və Kredit Zəmanət Fondu ilə yanaşı, həssas qruplara güzəştli şərtlərlə mənzillər təqdim edən Dövlət Mənzil İnşaatı Agentliyi də var və ən yaxşı cəhət odur ki, onlar artıq məskunlaşma üçün tam hazırdır. Toxunmaq istədiyim sonuncu mexanizm "Böyük Qayıdış" Dövlət Proqramıdır. Bilirsiniz, Azərbaycan uzun bir gözləmə müddətindən sonra öz ərazilərini geri qaytara bildi. Bundan sonra Dövlət Proqramı işə salındı. 2020-ci ildən, ailələr şəhər və kəndlərə qayıdırlar", - deyə o qeyd edib.

Bundan başqa, nazir müavini deyib ki, Azərbaycan mənzil siyasətində "yaşıl maliyyələşmə"yə üstünlük verir: "Unutmamalıyıq ki, mənzil əsas iqtisadi drayver olaraq qalır. Bu, təkcə sosial birlik siyasəti deyil, həm də istehsalat, məşğulluq, infrastruktur və şəhərsalma sahələrində multiplikativ effekt yaradır. Biz hazırda "yaşıl istiqraz"lar, "yaşıl taksonomiya" çərçivələri, bərpa olunan enerjinin inteqrasiyası, rəqəmsal kadastr sistemləri, yaşıl tikinti standartları üzərində çox səy göstəririk. Buna görə də bu gün qeyd etmək istədiyim başqa bir sitat var: Memar və şəhərsalma mütəxəssisi Yan Qel dediyi kimi: "Əvvəl həyat, sonra məkanlar, sonra binalar". Bu prinsip hamımızı istiqamətləndirməlidir, çünki mənzil maliyyələşməsi sadəcə bəzi kvadratmetrlərin maliyyələşdirilməsi deyil; bu, insan potensialının maliyyələşdirilməsidir. Bu, şəhərsalma üçün yeni sazişlər deməkdir".

Oxşar xəbərlər

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Bakıda keçirilən WUF13 dünya mediasının diqqət mərkəzindədir