WUF13 çərçivəsində keçirilən "Bakının Baş Planı 2040: şəhər inkişafında yeni mərhələ" adlı paneldə Bakı şəhərinin gələcək inkişaf istiqamətləri müzakirə olunub.

BAKU.WS xəbər verir ki, tədbirdə çıxış edən Dövlət Şəhərsalma və Arxitektura Komitəsinin Bakı Şəhər Memarlıq və Şəhərsalma Baş İdarəsinin rəisi Riyad Qasımov bildirib ki, Bakı gələcəkdə təkcə genişlənən meqapolis deyil, həm də daha yaşıl, daha inklüziv və beynəlxalq rəqabətə davamlı qlobal şəhər kimi formalaşdırılır.

"Bakının Baş planı ilə o, sadəcə böyüyən bir meqapolis kimi deyil, daha yaşıl, daha əhatəli, dayanıqlı və rəqabətədavamlı qlobal bir şəhər kimi nəzərdə tutulur" -deyə o qeyd edib.

Riad Qasımovun sözlərinə görə, plan çərçivəsində parkların genişləndirilməsi, piyada zonalarının artırılması, sosial xidmətlərin əlçatanlığının yaxşılaşdırılması və ictimai məkanların inkişafı prioritet istiqamətlər kimi müəyyən edilib.

Eyni zamanda Mərkəzi Parkın genişləndirilməsi, yeni sahil zolağının yaradılması, bulvar ərazilərinin inkişafı və məhəllə infrastrukturunun yenilənməsi kimi layihələrin Bakını daha yaşana bilən şəhərə çevirməsi hədəflənir.

Oxşar xəbərlər

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Şuşa Dövlət Musiqili Dram Teatrında inkluziv bir qizin mono tamaşası