Yenidənqurma yalnız fiziki bərpa demək deyil, həm də dayanıqlı icmaların yaradılması, insanların təhlükəsiz və şəffaf şəraitdə doğma torpaqlarına qayıdışının təmin edilməsidir.

"Far.Az" xəbər verir ki, bunu Şərqi Zəngəzur iqtisadi rayonuna daxil olan Laçın rayonunda Prezidentin xüsusi nümayəndəsi Məsim Məmmədov Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Laçın və Kəlbəcər: Urbisiddən və münaqişədən sonrakı yenidənqurmaya aparan yol" adlı sessiyada deyib.

O bildirib ki, müasir dünya şəhər inkişafı, dayanıqlı urbanizasiya, ekoloji problemlər, inklüziv idarəetmə və vətəndaş iştirakçılığı kimi ən vacib məsələləri gündəmə gətirir:

"Bu gün genişmiqyaslı yenidənqurma layihələri həyata keçirilir. Yeni yaşayış məhəllələri salınır, mühəndis infrastrukturu, yollar, xəstəxanalar, parklar və təhsil müəssisələri yenidən qurulur. Amma bəlkə də ən vacib məsələ insanların özlərinin bu prosesin mərkəzində dayanmasıdır".

Xüsusi nümayəndə qeyd edib ki, turizm, kənd təsərrüfatı, qonaqpərvərlik və sahibkarlıq sahələri əhali üçün yeni imkanlar yaradır:

"Regionda keçirilən beynəlxalq tədbirlər Qarabağın beynəlxalq ictimaiyyətlə yenidən əlaqələrinin güclənməsinə xidmət edir. Eyni zamanda qlobal çağırışlar bizi yalnız yenidənqurma ilə kifayətlənməməyə çağırır. İqlim dəyişiklikləri və uzunmüddətli dayanıqlığın təmin olunmasına yönəlmiş praktik addımlar artıq inkişaf strategiyasının əsas hissəsinə çevrilib. Məhz bu baxış bu gün Qarabağda həyata keçirilir. Əsas prioritetimiz ölkənin sabitliyini humanitar inkişaf məkanına çevirməkdir və addım-addım bu məqsədə doğru irəliləyirik".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib