Azərbaycan güləşçilərinin Bolqarıstanın Samokov şəhərində keçirilən U-15 Avropa çempionatında qazandıqları medalların sayı altıya çatıb.

Bu barədə "Far.Az"a Azərbaycan Güləş Federasiyasından məlumat verilib.

Dördüncü yarış günündə daha 2 güləşçimiz fəxri kürsüyə qalxıb.

Elvin Necəfzadə (85 kq) finalda rusiyalı İbragim Maqomedovla qarşılaşıb. Görüş gərgin mübarizə şəraitində keçib. Həmyerlimiz 1:4 hesabıyla geridə olsa da, əzmkarlıq göstərərək geridönüş edib. Son saniyələrdə qazandığı xallarla 5:4 hesablı qələbə qazanan sərbəst güləşçimiz Avropa çempionu olub.

Gülay Xasməmmədova (36 kq) isə həlledici görüşdə rusiyalı Yelizaveta Kirillovaya "tuş"la məğlub olaraq gümüş medalı boynundan asıb.

Beləliklə, güləşçilərimizin cari yarışda medallarının sayı 6-ya (4 qızıl, 1 gümüş və 1 bürünc) çatıb.

Oxşar xəbərlər

Üzgüçülük üzrə Azərbaycan çempionatı başa çatıb - YENİLƏNİB

Azərbaycan atleti VI İslam Həmrəyliyi Oyunlarında fəxri kürsüyə yüksəlib

Azərbaycan uşuçuları Avropa çempionatında 15 medal qazandı

AMEA-nın Rəyasət Heyətinin "gərgin" iclası

Gülay Zeynallıdan FƏRQLİ TƏRZDƏ FOTOSESSİYA