Afrika BMT Təhlükəsizlik Şurasında daimi yerlərə, həmçinin Beynəlxalq Valyuta Fondunda və Dünya Bankında daha əhəmiyyətli səs hüququna malik olmalıdır.

"Report"un məlumatına görə, bu barədə Tanzaniyanın Xarici İşlər və Şərqi Afrika Əməkdaşlığı Nazirliyinin Departament direktoru Ellen Maduhu Bakıda "Afrika Günü 2026: Yüksələn qitə, yeni tərəfdaşlıqlar" mövzusunda keçirilən konfransda bəyan edib.

Onun sözlərinə görə, Afrikanın qlobal rolu yalnız qitənin təbii ehtiyatları ilə deyil, həm də iqtisadi inteqrasiya, sənaye əməkdaşlığı və institusional birlik səviyyəsi ilə müəyyən olunacaq.

"Biz Afrika Qitəsi Azad Ticarət Zonasının inkişafını sürətləndirməli və müstəmləkə dövrünün ticarət qaydalarından imtina etməliyik. Afrikanın qlobal ticarətdə çoxmilyonluq vahid bazar kimi çıxış edə bilməsi üçün qitəyə standartlaşdırılmış gömrük qaydalarına malik vahid bazar lazımdır", - Maduhu vurğulayıb.

O qeyd edib ki, Afrika xammal resurslarının ixracından qitə daxilində onların emalına keçməlidir. Xüsusilə söhbət litium, nikel və kobaltın emalı müəssisələrinin yaradılmasından, həmçinin akkumulyator sənayesinin inkişafından gedir.

Tanzaniya nümayəndəsinin sözlərinə görə, infrastrukturun və energetikanın inkişafı, o cümlədən qaz, hidro və günəş enerjisi layihələri də mühüm istiqamət olaraq qalır.

O vurğulayıb ki, qitə ölkələri dünya dövlətləri, o cümlədən ABŞ, Avropa İttifaqı, Çin və Rusiya ilə münasibətləri ilk növbədə, Afrikanın milli maraqlarına və Cənub-Cənub tərəfdaşlıq prinsiplərinə əsaslanaraq qurmaq niyyətindədirlər.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Leyla Əliyeva Türkmənistanda beynəlxalq konfransda iştirak edib

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN