Gürcüstan parlamentinin Regional siyasət və özünüidarəetmə komitəsi Tsiv-Qombori Milli Parkının yaradılması ilə bağlı qanun layihəsini ilk oxunuşda dəstəkləyib.

"Far.Az"un yerli bürosu xəbər verir ki, layihəni Gürcüstanın ətraf mühitin mühafizəsi və kənd təsərrüfatı nazirinin müavini Zurab Ezuqbaia təqdim edib.

Sənədə əsasən, Saqareco, Qurcaani və Telavi bələdiyyələrinin inzibati ərazilərində, ümumilikdə, 21 min 761 hektar sahədə Tsiv-Qombori Milli Parkı yaradılacaq. Layihə həmçinin Siqnaqi Təbiət Qoruğunun və Tsiv-Qombori Qoruq Landşaftının təsis edilməsini nəzərdə tutur.

Söhbət Gürcüstanın Azərbaycanın sərhədinə yaxın yerləşən Kaxeti bölgəsində yeni qorunan təbiət ərazilərinin yaradılmasından gedir.

Rəsmi məlumata görə, yeni milli parkın yaradılmasında əsas məqsəd biomüxtəlifliyin qorunması, meşə ekosistemlərinin mühafizəsi və regionda ekoturizmin inkişafıdır.

Bildirilib ki, Tsiv-Qombori Milli Parkı və Siqnaqi Təbiət Qoruğu Gürcüstanın Qorunan Ərazilər Agentliyi tərəfindən idarə olunacaq. Tsiv-Qombori qorunan landşaft zonasının idarəçiliyi isə Qurcaani bələdiyyəsinə həvalə ediləcək.

Qanun layihəsi ölkə parlamentinin plenar iclasına tövsiyə olunub.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

DTA tabeliyindəki qoruq və müəssisələrdəki yeniliklər təqdim olunub

Prezident İlham Əliyev Xankəndi şəhərində Zəfər parkının açılışında iştirak edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib