Parlamentin sədri Məhəmməd Baqir Qalibaf və xarici işlər naziri Abbas Əraqçının rəhbərlik etdiyi İran nümayəndə heyəti ABŞ ilə ehtimal olunan müqaviləyə dair məsləhətləşmələr üçün Dohaya (Qətər) yollanıblar.

Bu barədə "Reuters" agentliyi mənbələrinə istinadən məlumat yayıb.

Bildirilib ki, səfər çərçivəsində iranlı rəsmilər Qətərin baş naziri Şeyx Məhəmməd bin Əbdürrəhman Al-Tani ilə görüşlər planlaşdırıblar.

Qeyd olunur ki, səfərin əsas məqsədi münaqişənin dayandırılması yollarını tapmaqdır.

Danışıqlar zamanı başlıca diqqət Hörmüz boğazı ətrafındakı vəziyyətə və İranın yüksək səviyyədə zənginləşdirilmiş uran ehtiyatlarına yönəldiləcək.

Agentliyin mənbəsi onu da vurğulayıb ki, nümayəndə heyətinin tərkibinə İran Mərkəzi Bankının rəhbəri də daxildir. Onun yekun razılaşma çərçivəsində İranın dondurulmuş maliyyə vəsaitlərinin azad edilməsi ilə bağlı müzakirələrə qatılacağı ehtimal olunur.

Xatırladaq ki, daha əvvəl ABŞ və İranın Yaxın Şərq regionunda gərginliyin azaldılmasına yönəlmiş mümkün sazişin parametrləri barədə ilkin razılığa gəldikləri bildirilirdi.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Rəsmilər Şəhidlər xiyabanında

Nazirlik sel təhlükəsi zamanı qorunmağın yollarını göstərdi

Dövlət rəsmiləri Hərbi Memorial Məzarlığı ziyarət ediblər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib