ABŞ-nin "İnter Mayami" klubu komandanın ulduz futbolçusu Lionel Messinin sağlamlıq durumu barədə rəsmi məlumat yayıb.

BAKU.WS klubun rəsmi açıqlamasına istinadən xəbər verir ki, bazar ertəsi aparılan əlavə tibbi müayinələrdən sonra Messidə sol ayağın arxa bud əzələsində yorğunluqdan yaranan yüklənmə aşkarlanıb.

"Futbolçunun məşqlərə və oyunlara qayıdış müddəti onun kliniki və funksional bərpa prosesindən asılı olacaq", - deyə klubun yaydığı bəyanatda qeyd olunub.

Xatırladaq ki, argentinalı hücumçu MLS çərçivəsində "Filadelfiya Union"a qarşı keçirilən və 6:4 hesabı ilə başa çatan dramatik oyunda 73-cü dəqiqədə əvəzlənmişdi.

Matç olduqca gərgin və məhsuldar keçib. Görüşdə Luis Suares het-triklə yadda qalıb, Rodrigo De Paul isə əlavə olunmuş dəqiqələrdə komandasının son qolunu vurub.

Daha əvvəl Lionel Messinin Argentina millisinin 2026-cı il dünya çempionatı üçün geniş heyətinə daxil edildiyi açıqlanmışdı.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

AMEA-nın Rəyasət Heyətinin "gərgin" iclası

Vətən müharibəsində Qələbənin beşinci ildönümünə həsr olunmuş Hərbi parad keçirilib

"Nine Senses"də Sağlamlıq Həftəsi çərçivəsində Sağlamlıq Günü keçirildi

"İnter Mayami" ev oyununda 3:0 hesabı ilə öndə olmasına baxmayaraq, qalibiyyəti əldən verib