Kürdəmir rayonu Məhsəti Gəncəvi küçəsi, ev 12-də yaşayan Yaşar Əsgərov təqribən 50 il əvvəl çiy kərpicdən tikilmiş və dörd il öncə qəzalı vəziyyətə düşən evinin artıq bir neçə gündür ki, uçduğunu və bunun nəticəsində dörd nəfər ailə üzvünün evsiz qaldığını bildirib.

Baku TV-nin qaynar xəttinə müraciət edən ev sahibinin sözlərinə görə, bununla bağlı əvvəllər də aidiyyəti qurumlara dəfələrlə müraciət etsə də, onun müraciətinə əhəmiyyət verən olmayıb. Hazırda çətin durumda qalan ailə aidiyyəti qurumlardan kömək istəyir.

"Ev tamamilə qəzalı vəziyyətə düşəndən sonra kirayə qalmalı olduq. 200 manat pulu çətinliklə ödəyirəm. İki övladım var. Oğlumun biri Avropa çempionudur. Onu bu sınıq-sökük evdə əziyyətlə böyütmüşəm. Ev başımıza uçsaydı, necə olacaqdı?!" - deyə zərərçəkən Şərəf Əsgərova bildirib.

Məsələ ilə bağlı Kürdəmir Rayon İcra Hakimiyyətindən bildirilib ki, mövcud vəziyyətdən xəbərdardırlar. Yaşar Əsgərova məxsus fərdi yaşayış evinə İcra Hakimiyyətinin və Fövqəladə Hallar Nazirliyinin Aran Regional Mərkəzinin əməkdaşları ilə birlikdə baxış keçirilib.

Vətəndaşa bildirilib ki, İcra Hakimiyyətinin xərclər smetasında fərdi yaşayış evlərinin təmir, bərpa və tikintisi üçün vəsait nəzərdə tutulmadığından fərdi yaşayış evinin bərpası səlahiyyətləri xaricindədir.

Amma buna baxmayaraq, Kürdəmir RİH tərəfindən fərdi yaşayış evinin uçması barədə məlumatlar Fövqəladə Hallar Nazirliyinə rəsmi məktub vasitəsilə ünvanlanıb.

Məktub araşdırıldıqdan sonra ev sahibinə yekun məlumat veriləcək.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev Səməd Vurğun adına Yaradıcılıq Evinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib