Gürcüstanın Baş nazirinin müavini və xarici işlər naziri Maka Boçorişvili ABŞ Dövlət Departamentinin nümayəndələri Çarlz Yoki və Piter Andreoli ilə görüşüb.

"Report"un yerli bürosu Gürcüstan Xarici İşlər Nazirliyinə istinadə xəbər verir ki, görüşdə ikitərəfli münasibətlər və əməkdaşlığın perspektivləri müzakirə olunub.

Danışıqlarda əsas diqqət "Orta Dəhliz" layihəsinə və Gürcüstanın regionda nəqliyyat və birləşdirici mərkəz kimi roluna yönəlib. Tərəflər bu istiqamətdə əməkdaşlığın genişləndirilməsinin əhəmiyyətini vurğulayıblar.

Eyni zamanda ABŞ rəsmiləri Gürcüstanın suverenliyi və ərazi bütövlüyünə dəstəyi xüsusi qeyd ediblər.

Görüş zamanı tərəflər ikitərəfli əməkdaşlığın daha da gücləndirilməsi istiqamətində işi davam etdirmək niyyətlərini ifadə ediblər.

Oxşar xəbərlər

"Kağız gətir - kitab apar" sosial-ekoloji layihəsinə start verildi

İlham Əliyev Zəngilanda ilk yaşayış kompleksinə köçən ailələrlə görüşüb

Heydər Əliyev Fondunun dəstəyi ilə alınan musiqi alətlərinin təqdimatı olub

Böyük Britaniya kralı III Çarlz Qarabağ atlarının şousunu izləyib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN