BMT-nin Azərbaycandakı nümayəndəliyi, həmçinin Slovakiya, Niderland, Belçika və Litva səfirlikləri Azərbaycanı 28 May - Müstəqillik Günü münasibətilə təbrik edib.

"Far.Az" xəbər verir ki, təbriklər diplomatik nümayəndəliklərin sosial şəbəkələrdəki səhifələrində dərc olunub.

BMT-nin Azərbaycandakı nümayəndəliyinin paylaşımında deyilir: "28 May - Müstəqillik Günü münasibətilə Azərbaycan xalqını təbrik edirik!".

Slovakiyanın Bakıdakı səfirliyi Azərbaycana sülh, firavanlıq və uğurlar arzulayıb.

"28 May münasibətilə Slovakiyanın Bakıdakı səfirliyi Azərbaycan xalqına sülh, firavanlıq və uğurlar arzulayır", - təbrikdə qeyd olunub.

Niderlandın Azərbaycandakı səfirliyi də ölkəni bayram münasibətilə təbrik edib: "Müstəqillik Gününüz mübarək, Azərbaycan! 28 May - Müstəqillik Günü münasibətilə Niderland Krallığının Azərbaycandakı səfirliyi Azərbaycan xalqına səmimi təbriklərini çatdırır".

Belçika səfirliyi Azərbaycan xalqının müstəqilliyini, milli mədəniyyətini və ənənələrini qorumaq əzmini vurğulayıb.

"Bu gün biz Azərbaycan xalqının müstəqilliyini, həmçinin özünəməxsus milli mədəniyyətini və ənənələrini qorumaq əzmini qeyd edirik. Azərbaycan xalqına sülh, firavanlıq və gələcək uğurlar arzulayırıq. Müstəqillik Gününüz mübarək!", - təbrikdə qeyd olunub.

Litva Azərbaycanı və onun xalqını bayram münasibətilə təbrik edib, iki ölkə arasında əməkdaşlığın gələcəkdə daha da çiçəklənməsi və möhkəmlənməsinə ümidini ifadə edib.

"Litva ölkələrimiz arasındakı dostluq münasibətlərini və əməkdaşlığı yüksək qiymətləndirir və tərəfdaşlığın, həmçinin xalqlar arasında əlaqələrin daha da möhkəmlənəcəyinə ümid edir", - paylaşımda qeyd olunub.

Oxşar xəbərlər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Bakıdakı hərbi paraddan maraqlı FOTOLAR

İlham Əliyevin Slovakiya Milli Şurasının sədri ilə təkbətək və geniş tərkibdə görüşləri olub

Azərbaycan Həmkarlar İttifaqları Konfederasiyasının Novruz və Ramazanla bağlı bayram tədbirləri

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib