Azərbaycanın çimərlik güləşi üzrə U-17 millisi Avropa çempionu olub.

Far.Az xəbər verir ki, Xorvatiyanın Poreç şəhərində keçirilən U-17 Avropa çempionatında Azərbaycan yığmasının dörd üzvü fəxri kürsüyə qalxıb.

Güləşçilərimizdən Elcan Həsənov (60 kq) və Ruslan Vəliyev (80 kq) bütün rəqiblərinə qalib gələrək Avropa çempionu tituluna sahib olublar. Final görüşündə məğlub olan Rəşad Əliyev (70 kq) və Elvin Hacıquliyev (+80 kq) isə gümüş medalla kifayətləniblər.

Beləliklə, aktivində 80 xal olan Azərbaycan millisi komanda hesabında Avropa çempionluğunu bayram edib. Gürcüstan yığması da eyni miqdarda xal toplasa da, komandamız medalların əyarına (qızıl sayına) görə qonşu ölkəni qabaqlayaraq turnirin qalibi olub. Ukrayna isə 64 xalla fəxri kürsünün üçüncü pilləsində qərarlaşıb.

Qalereya

Oxşar xəbərlər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

İlham Əliyev Türküstanda TDT-nin qeyri-rəsmi Zirvə görüşündə iştirak edib

Azərbaycan atleti VI İslam Həmrəyliyi Oyunlarında fəxri kürsüyə yüksəlib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan boksçuları İslamiadanı 6 medalla başa vurub