Azərbaycan qaz hasilatını artıraraq tərəfdaş ölkələrə tədarükü genişləndirəcək.

"Report" xəbər verir ki, bunu Azərbaycan Dövlət Neft Şirkətinin (SOCAR) prezidenti Rövşən Nəcəf Bakı Enerji Həftəsinin ikinci günündə təşkil olunan "Enerji transformasiyası və gələcək strategiyaları mövzusunda liderlərin mövqeyi" adlı paneldə deyib.

O bildirib ki, Azərbaycanın əsas prioriteti regiondakı müştərilərinə dayanıqlı və etibarlı enerji təchizatını təmin etmək və regional enerji təhlükəsizliyinə töhfə vermək olaraq qalır: "Şirkətin əsas fəlsəfəsi etibarlı təchizatın təmin edilməsidir və bu yanaşma dəyişməyib, gələcəkdə də dəyişməyəcək. Ötən illə müqayisədə Azərbaycanın qaz ixrac etdiyi coğrafiya daha da genişlənib. Hazırda təchizat regionuna Avropa, Gürcüstan və Türkiyə ilə yanaşı, Suriya da daxildir".

R.Nəcəf qeyd edib ki, Azərbaycan artıq Suriya bazarına da qaz tədarük edir: "Tərəfdaşlarımız daha çox qazın dayanıqlı şəkildə tədarük olunmasında maraqlıdırlar. Mövcud şəraitdə Azərbaycan qazı regionun ən etibarlı enerji mənbələrindən biri hesab olunur".

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Bakı Enerji Həftəsinin ilk günündə imzalanan sənədlərin siyahısı açıqlanıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN