Uzun müddətli zədədən sonra vurduğum qol mənə böyük motivasiya verdi.

Bunu "Far.Az"a açıqlamasında Almaniyanın "Nürnberq" klubunun və Azərbaycan millisinin futbolçusu Mahir Emreli deyib.

27 yaşlı hücumçu ötən gün II Bundesliqanın IX turunda "Qroyter Fyurt"a qarşı keçirilən matçda vurduğu qolu şərh edib:

"Qol vurduğum üçün möhtəşəm hisslər keçirirəm. Komandamız və azarkeşlərimiz adına çox sevinirəm. Bu matç, II Bundesliqada önəmli derbi matçlarından biri idi. Belə bir qarşılaşmada qələbəyə töhfə verdiyim üçün çox şadam. Uzun müddətli zədədən sonra bu qol mənə böyük motivasiya verdi. İnşallah, uğurlu çıxışımın davamını gətirəcəm. Mənə dəstək olan hər kəsə öz təşəkkürümü bildirirəm".

Qeyd edək ki, "Qroyter Fyurt" - "Nürnberq" oyunu qonaqların 4:0 hesablı qələbəsi ilə başa çatıb. Görüşdə hesabı 13-cü dəqiqədə Mahir Emreli açıb.

Oxşar xəbərlər

Mahir Emreli "Nürnberq"də qol hesabını açıb

UEFA Millətlər Liqası: Azərbaycan yığması İsveçə məğlub olub - YENİLƏNİB - 7

UEFA Avropa Liqası: "Qarabağ" İsveç klubuna məğlub olub - YENİLƏNİB - 6

Millətlər Liqası: Azərbaycan yığması növbəti dəfə məğlub olub - YENİLƏNİB-8

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4