Azərbaycanda rəqəmsal transformasiya üçün yeni qanunvericilik paketi hazırlanır.

"Far.Az" xəbər verir ki, bunu Rəqəmsal İnkişaf və Nəqliyyat Nazirliyinin tabeliyindəki İnnovasiya və Rəqəmsal İnkişaf Agentliyinin (İRİA) İdarə Heyətinin sədri Fərid Osmanov Bakıda keçirilən "X Beynəlxalq Maliyyə və Bankçılıq Sammiti"ndə deyib.

Onun sözlərinə görə, ölkədə rəqəmsal transformasiyanın sürətləndirilməsi məqsədilə yeni qanunvericilik paketinin hazırlanması istiqamətində işlər aparılır: "Rəqəmsallaşmanın genişlənməsi və yeni texnologiyaların tətbiqi çevik və innovasiyaları dəstəkləyən hüquqi bazanın formalaşdırılmasını zəruri edir. Rəqəmsallaşmanın genişləndirilməsi fonunda bu prosesi dəstəkləyən və çevik inkişaf edən qanunvericilik bazasının yaradılması vacibdir. Hazırda Rəqəmsal İnkişaf və Nəqliyyat Nazirliyi, aidiyyəti agentliklər, tərəfdaş təşkilatlar və digər dövlət qurumları ilə birlikdə müvafiq qanunvericilik paketinin hazırlanması istiqamətində işlər aparır".

O əlavə edib ki, yeni hüquqi mexanizmlər ölkədə rəqəmsal inkişafın sürətləndirilməsi, innovasiyaların tətbiqi, süni intellekt texnologiyalarının genişləndirilməsi və rəqəmsal xidmətlərin inkişafı üçün əlverişli mühit formalaşdırmağa xidmət edəcək.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

DTA tabeliyindəki qoruq və müəssisələrdəki yeniliklər təqdim olunub

Baku TV-nin "Rəqəmsal Media Məktəbi"ndə doqquzuncu qrup məzunlarına sertifikatlar təqdim olunub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN