Milli Müdafiə Universitetinin (MMU) tabeliyində fəaliyyət göstərən Heydər Əliyev adına Hərbi Liseyin 26-cı buraxılışı münasibətilə təntənəli mərasim keçirilib.

Bu barədə "Report"a Müdafiə Nazirliyindən məlumat verilib.

Tədbir liseyin Döyüş bayrağının təntənəli surətdə sıra meydanına gətirilməsi ilə başlayıb.

Ümummilli Lider Heydər Əliyevin və Vətən uğrunda şəhid olanların xatirəsi bir dəqiqəlik sükutla yad edilib, hərbi orkestrin müşayiəti ilə Azərbaycan Respublikasının Dövlət Himni səsləndirilib.

Mərasimdə çıxış edənlər məzunları bu əlamətdar gün münasibətilə təbrik edərək, onlara gələcək hərbi təhsil və xidmət yollarında uğurlar arzulayıblar.

Qeyd olunub ki, liseyin məzunları ölkəmizin müdafiə qabiliyyətinin gücləndirilməsində mühüm rol oynayır, Vətənə sədaqət və hərbi peşəkarlıq nümunəsi göstərirlər.

Məzunlar isə qazandıqları bilik və dəyərləri gələcək fəaliyyətlərində layiqincə doğruldacaqlarını bildiriblər.

Sonra məzunlara hərbi liseyin döş nişanı təqdim edilib, rəmzi yaş kötüyünə məzun simvolu vurulub.

Daha sonra H. Əliyev adına Hərbi Liseyin Döyüş bayrağı növbəti buraxılışın kursantlarına təhvil verilib.

Buraxılış mərasimi şəxsi heyətin təntənəli marşlarla tribuna önündən keçidi ilə başa çatıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Şəkidə "Ümummilli Lider Heydər Əliyev və Azərbaycanın mədəniyyət dəyərləri" mövzusunda tədbir keçirilib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib