Azərbaycanda dəqiq vaxtın ötürülməsi üçün texniki imkanlar yaradılsa da, dövlət qurumlarının bu sistemə qoşulmasına maraq aşağıdır.

Bunu "Far.Az"a Prezident yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Metrologiya İnstitutunun (AzMİ) labaratoriya müdiri Şamxal Abbasov qurumda təşkil olunan mediatur çərçivəsində deyib.

Onun sözlərinə görə, hazırda əhalinin böyük hissəsi vaxt məlumatını mobil telefonlar vasitəsilə əldə edir və telefonlar internet üzərindən beynəlxalq vaxt serverləri ilə sinxronlaşaraq saatlarını avtomatik tənzimləyir: "Ölkədə dəqiq vaxtın dövlət qurumlarına və digər istifadəçilərə ötürülməsi üçün imkanlar mövcuddur, lakin bu xidmətdən istifadə edənlərin sayı çox deyil. Dəqiq vaxtı bütün əsas dövlət qurumlarına təqdim etməyə hazırıq. Təəssüf ki, bu xidmətə qoşulmaq istəyən qurumların sayı hələ də azdır".

Ş. Abbasov qeyd edib ki, son dövrlərdə vaxt ölçmələri sahəsində yeni imkanlar yaradılıb və ölçmə infrastrukturu genişləndirilib: "Bununla belə, bu imkanlardan daha geniş istifadə olunması üçün dövlət qurumlarının prosesə fəal qoşulmasına ehtiyac var".

Oxşar xəbərlər

Cəmşid Naxçıvanski adına Hərbi Liseyə mediatur təşkil olunub

Naxçıvanın turizm imkanlarının nümayiş etdirilməsi məqsədilə MEDİATUR

Elnur Bağırov: "Azərbaycanda keyfiyyət infrastrukturu sistemli inkişaf mərhələsinə keçib" - MÜSAHİBƏ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2