2010-cu ildə keçirilən Vankuver-2010 Qış Olimpiya Oyunları yarışlarının çempionu, amerikalı dağ xizəkçisi Bode Miller psixotrop maddə saxlamaqda şübhəli bilinərək polis tərəfindən saxlanılıb.

Far.Az xəbər verir ki, iyunun əvvəlində hüquq-mühafizə orqanlarının əməkdaşları Millerin avtomobilində 4,1 qram psilosibin tərkibli göbələk aşkar ediblər.

İdmançı saxlanıldıqdan sonra 5 min dollar girov qarşılığında sərbəst buraxılıb.

Bode Miller polisə verdiyi ifadədə göbələklərin avtomobilinə necə düşdüyünü bilmədiyini bildirib. Daha sonra o, özünü təqsirli hesab etmədiyini vurğulayaraq, iş üzrə bütün hallar araşdırıldıqdan sonra ittihamların geri götürüləcəyinə ümid etdiyini deyib.

Qeyd edək ki, Miller Olimpiya Oyunları tarixində ən uğurlu dağ xizəkçilərindən biri hesab olunur. O, karyerası ərzində Olimpiadalarda ümumilikdə altı medal qazanıb. Bunlardan biri qızıl, üçü gümüş, ikisi isə bürünc medal olub.

Hadisə ilə bağlı araşdırmalar davam edir.

Oxşar xəbərlər

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Xizək Alpinizmi üzrə Avropa Çempionatı və Dünya Kuboku yarışlarının açılış mərəsimi keçirilib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Ermənistan vətəndaşlarının məhkəməsində hökm elan olunub - YENİLƏNİB

Bakı şəhərinin sevilən Qış nağılı yenidən Fəvvarələr meydanında!