Tunis yığması dünya çempionatının səviyyəsinə uyğun çıxış edə bilməyib.

"Far.Az" xarici mediaya istinadən xəbər verir ki, bunu adıçəkilən millinin baş məşqçisi Erve Renar Niderland yığmasına qarşı DÇ-2026-nın qrup mərhələsinin oyunundan sonra mətbuat konfransında deyib.

Təcrübəli mütəxəssis mundialla vidalaşmaları barədə danışıb:

"Dünya çempionatının səviyyəsinə uyğun çıxış edə bilmədik. Bu, mübahisə doğurmayan faktdır. Turnirdə çox güclü komandalar mübarizə aparırdı, xüsusilə də bizim düşdüyümüz qrup çox çətin idi. İndi Tunis Futbol Federasiyası hər şeyi ətraflı təhlil etməli və düzgün nəticələr çıxarmalıdır".

O, mundial vaxtı yığmaya baş məşqçi təyin olumasına görə peşmanlıq hissi keçirmədiyini bildirib:

"Bu vəzifəni qəbul etdiyimə görə qətiyyən peşman deyiləm. Oyundan sonra futbolçularla danışdım və onlara göstərdikləri əzmə görə təşəkkür etdim. Belə vəziyyətlər heç də asan olmur. Kənardan futbola baxanda hər şey sadə görünə bilər. Ancaq psixoloji cəhətdən ağır dövrdə, xüsusilə də güclü rəqibə qarşı, möhtəşəm atmosferdə və tribunaları narıncı rəngə bürünmüş azarkeşlərin önündə oynamaq çox çətin idi. Bu, komandamız üçün həqiqətən ağır sınaq oldu".

Qeyd edək ki, Niderland Tunis yığmasını 3:1 hesabı ilə məğlub edib.

Oxşar xəbərlər

İlham Əliyev Cəbrayılın Horovlu kəndinin birinci mərhələsinin açılışında iştirak edib

"FIFA Series – 2026": Azərbaycan millisinin Sent Lüsiya yığması ilə oyundan əvvəl açıq məşqi təşkil olunub

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Leyla Əliyeva "Mənzərəyə açılan ev" mövzusunda qrup sərgisində iştirak edib