Hörmüz boğazında minaların təmizlənməsinə ehtiyac o deməkdir ki, İranla ABŞ arasında atəşkəs qüvvədə olsa belə, bu həyati əhəmiyyətli dəniz yolu ilə gəmiçiliyin müharibədən əvvəlki səviyyəyə qayıtması aylarla çəkəcək.

"Report" xəbər verir ki, bu barədə Britaniyanın "Financial Times" qəzetinə verdiyi müsahibədə Yaponiyanın NYK Line gəmiçilik şirkətinin rəhbəri Takaya Soqa bildirib.

Soqa qeyd edib ki, gəmiçilik üçün mövcud marşrutlar olduqca məhduddur və onlar çox dar dəhlizlərdir: "Hörmüz boğazının bağlanmasından əvvəlki vəziyyətə qayıtmasından hələ də çox uzağıq".

Qəzet gəmilərin yalnız iki marşrutla hərəkət edə biləcəyini izah edib: İranın Larak adası yaxınlığında və Oman sahilləri boyunca. Məqalədə Hörmüz boğazında 80-ə qədər minanın qala biləcəyi bildirilib.

"Gəmilər boğaza maneəsiz daxil olub çıxa bilsələr belə, nəqliyyat həcmi bir müddət normal səviyyənin yarısından az qalacaq", - deyə NYK Line şirkətinin rəhbəri izah edib.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN