Niderlandın ən böyük bank qrupu olan "ING Group" Azərbaycan iqtisadiyyatının 2026-cı ildə 2 %, 2027-ci ildə 3 % və 2028-ci ildə 2,3 % səviyyəsində artacağını proqnozlaşdırır.

Bu barədə "Report" ING-yə istinadən xəbər verir.

Ötən proqnozlarla müqayisədə cari və növbəti il üçün ümumi daxili məhsulun (ÜDM) artım templəri dəyişməyib, 2028-ci il üzrə proqnozu isə "ING Group" qiymətləndirmələrinə ilk dəfə daxil edib.

Beləliklə, ölkənin ÜDM-nin 2026-2028-ci illərdə orta illik artımı 2,43 % səviyyəsində proqnozlaşdırılır.

Bankın qiymətləndirmələrinə görə, 2026-cı ilin II rübü üçün iqtisadi artım proqnozu 2 %, III rübü üçün 3 %, IV rübü üçün isə 3,3 % təşkil edir.

Bundan əlavə, 2027-ci ilin I rübündə 3 %, II rübündə 3,5 %, III rübündə 2 % və IV rübündə 3,5 % səviyyəsində iqtisadi artım proqnozlaşdırılır.

Qeyd edək ki, 2025-ci ildə Azərbaycan iqtisadiyyatı 1,4 % artıb.

İqtisadiyyat Nazirliyi cari ildə ÜDM artımını 1,7 % səviyyəsində proqnozlaşdırır, o cümlədən qeyri-neft-qaz sektorunda artımın 3,7 %, neft-qaz sektorunda isə azalmanın 3,3 % olacağı gözlənilir.

Azərbaycan Mərkəzi Bankı ölkənin ÜDM artımını 2026-cı ildə 1,1 %, 2027-ci ildə isə 3,2 % səviyyəsində proqnozlaşdırır.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2