Ağsu rayonunda həkimə böhtan atan şəxslər cəzalandırılıblar.

BAKU.WS Oxu.Az-a istinadən xəbər verir ki, Ağsu rayon sakini Dəyanət Abdullayev rayonda həkim kimi fəaliyyət göstərib. O, 2007-ci ildə ailə həyatı qursa da, 2025-ci ildə məhkəmə qərarı ilə nikaha xitam verilib.

Hadisədən sonra keçmiş həyat yoldaşı öz yaxınları ilə birləşərək həkimə qarşı qərəzli məlumatlar yayıb, onun işgüzar nüfuzuna xələl gətirən şaiyələr səsləndiriblər. Məsələ ilə bağlı D.Abdullayev keçmiş həyat yoldaşı və onun qohumlarına xəbərdarlıq etsə də, qarşı tərəf dayanmadan qarayaxma kampaniyası apararaq həkimə böhtan atmağa, onun əxlaqsızlıq etməsi barədə yalan məlumatlar yaymağa davam edib.

D.Abdullayev xüsusi ittiham qaydasında iddia qaldıraraq ona qarşı həqiqətə uyğun olmayan məlumatlar yayan şəxslərin cəzalandırılmasını istəyib. O, keçmiş həyat yoldaşı Ülviyyə Abdullayeva və onun qohumları-Gültəkin Quliyeva və Əsli Abasova barədə şikayət verib.

Ağsu Rayon Məhkəməsində keçirilən prosesdə fakt təsdiqini tapıb və şikayət təmin edilib. Məhkəmənin qərarı ilə Ülviyyə Abdullayevanın əməlində Cinayət Məcəlləsinin 147-ci (Böhtan) və 148-ci (Təhqir) maddələri olmadığına görə ona bəraət verilib. Qərara əsasən, digər təqsirləndirilən şəxslər - Gültəkin Quliyeva və Əsli Abasova həmin maddələrlə təqsirli biliniblər, adıçəkilən şəxslərin hər biri 2 min manat cərimə cəzasına məhkum edilib.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Həyatda yaxşı şeyləri niyə görmürük? - Tanınmış simaların FİKİRLƏRİ

Ucarda bazarda ciddi nöqsanlar aşkarlandı, rəhbəri cəzalandırıldı

Şou-biznesin xoşbəxt ailə həyatı olan məşhurları - SİYAHI

Prezident İlham Əliyev Əfv Sərəncamı imzalayıb