"Azərbaycan Xəzər Dəniz Gəmiçiliyi" QSC (ASCO) və Asiya İnkişaf Bankı (ADB) arasında müasir çağırışlara cavab verən, səmərəli və dayanıqlı donanmanın formalaşdırılması istiqamətində həyata keçirilən işlər müzakirə edilib.

"Report" ASCO-ya istinadən xəbər verir ki, bu barədə müzakirələr ASCO ilə ADB-nin nümayəndə heyəti ilə keçirilən görüşdə aparılıb.

Görüş zamanı qonaqlara ASCO-nun biznes ehtiyacları və prioritet istiqamətləri, eləcə də orta və uzunmüddətli inkişaf proqramları barədə ətraflı məlumat verilib.

Bununla yanaşı, yaşıl gəmiçilik, dekarbonizasiya, rəqəmsal həllərin tətbiqi ilə bağlı nəzərdə tutulan layihələr ətrafında fikir mübadiləsi aparılıb.

ADB-nin nümayəndələri ASCO-nun strateji inkişaf hədəflərini yüksək qiymətləndirərək, bu istiqamətdə həyata keçiriləcək layihələrə dəstək göstərməyə və əməkdaşlığa hazır olduqlarını bildiriblər.

Görüşdən sonra qonaqlar ASCO-nun inzibati binasında yerləşən "Üç əsrin şahidi" muzeyini ziyarət edib, Azərbaycanın gəmiçilik tarixi və irsi ilə yaxından tanış olublar.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ