"Qarabağ" futbol kulubu kolumbiyalı hücumçusu Kamilo Durana təşəkkür edib.

Far.Az-in məlumatına görə, Ağdam klubunun rəsmi sosial şəbəkə hesablarında futbolçu ilə bağlı paylaşım edilib:

"Təşəkkürlər, Kamilo Duran"Qarabağ" FK futbolçumuz Kamilo Duranın transferi ilə bağlı Şotlandiyanın "Seltik" klubunun təklifini və kolumbiyalı hücumçunun istəyini nəzərə alaraq müsbət cavablandırıb. Klublar arasında aparılan danışıqların uğurla yekunlaşıb və tərəflər arasında razılıq əldə olunub. 2025-ci ilin yayından "Qarabağ"ın formasını geyinən cənubi amerikalı futbolçu komandamızın heyətində 45 oyunda 15 qol vurub. O, "Qarabağ"la birlikdə UEFA Çempionlar Liqasının Liqa mərhələsini adlayaraq pley-offun iştirakçısı olub. Kamilo Durana klubumuzdakı çıxışı dövründə göstərdiyi xidmətlərə görə təşəkkür edir, karyerasında uğurlar arzulayırıq".

Qeyd edək ki, yayılan məlumatlarda Duranın "Seltik"ə 5,5 milyon funt-sterlinqə (12,5 milyon manat) transfer olunacağı deyilirdi. "Qarabağ" Kamilo Duranı ötən mövsümün əvvəlində 200 min avroya transfer etmişdi.

Oxşar xəbərlər

Leyla Əliyeva Qəbələdə "Gənc arıçı" layihəsinin iştirakçısı ilə görüşüb

Prezident İlham Əliyev Bakı Enerji Həftəsinin rəsmi açılış mərasimində iştirak edib

UEFA Çempionlar Liqası: "Qarabağ" Bakıda "Nyukasl"a böyük hesabla uduzub - YENİLƏNİB-9

Çempionlar Liqası: "Qarabağ" - "Nyukasl" matçında yeddinci qol vurulub - YENİLƏNİR-8

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3