Rusiyaya qarşı "sarsıdıcı sanksiyalar" haqqında qanun layihəsinin mətni ABŞ Prezidenti Donald Trampın administrasiyası ilə razılaşdırılıb.

"Report" xəbər verir ki, bu barədə Kiyevdə keçirilən brifinqdə təşəbbüsün müəllifi, respublikaçı senator Lindsi Qrem bildirib.

"Məmnuniyyətlə bildirmək istəyirəm ki, təxminən 30 dəqiqə əvvəl biz Ağ Evlə Rusiyaya qarşı sanksiyalar haqqında qanun layihəsinin onların dəstəkləyəcəyi versiyası barədə razılığa gəldik. Bu o deməkdir ki, o, qanun olacaq", - o bildirib.

Qremin sözlərinə görə, senatorlar qanun layihəsinin Ağ Evin dəstəkləməyə razılaşdığı versiyasını təsdiq edə biliblər. O əlavə edib ki, indi təşəbbüsün digər müəllifləri ilə birlikdə sənədin Konqresdə qəbul olunmasını təşviq edəcək.

Qanun layihəsi ABŞ Prezidentinə Rusiya nefti və qazını alan ölkələrə, eləcə də mövcud sanksiyalardan yayınmağa kömək edən xarici şirkətlərə və dövlətlərə qarşı tariflər və sərt məhdudiyyətlər tətbiq etmək səlahiyyəti verir.

Qeyd edək ki, sənəd Rusiya sahibkarlarına və banklarına qarşı məhdudiyyətləri, energetika sahəsinə Amerika investisiyalarının qadağan edilməsini, eləcə də Rusiya mallarına 500%-lik tariflərin tətbiqini nəzərdə tutur.

Oxşar xəbərlər

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3