Qızılın qiyməti tarixdə ilk dəfə unsiya üçün 2 800 ABŞ dolları ötüb.

Bu barədə “Far.Az” RBK-ya istinadən xəbər verir.

Agentliyin məlumatına görə, Bakı vaxtı ilə saat 10:39-da qiymətli metalın dekabr fyuçersi 0,69 % artaraq 1 unsiya üçün 2800,25 ABŞ dolları səviyyəsinə çatıb.

Analitiklər qızıl bazarındakı yeni rekordu ABŞ-dəkı seçkilərin nəticələri ilə bağlı qeyri-müəyyənlik, həmçinin Yaxın Şərqdə münaqişənin mümkün eskalasiyası ilə bağlı narahatlıqlarla əlaqələndirirlər. Bu amillər təhlükəsiz aktivlərə olan tələbatı artırır: investorlar qızılı geosiyasi və iqtisadi risklərdən qorunma vasitəsi kimi görürlər.

"Alfa-Kapital" İdarəedici Şirkətinin portfel meneceri Dmitri Skryabin qeyd edib ki, qızıl bazarındakı ralli, həmçinin ABŞ-nin iqtisadi perspektivləri və istehlak qiymətlərinin artması gözləntiləri ilə bağlı narahatlıqlardan da qaynaqlanır.

İlin əvvəlindən qızıl 30 %-dən çox bahalaşıb. Sentyabrda ABŞ Federal Ehtiyat Sistemi pul-kredit siyasətini yumşaltmağa başlamasından sonra onun dəyəri yeni rekordlara çatıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İndiki qeyri-sabitlik şəraitində qızıl ən etibarlı yatırımdır: Pandemiyadan sonra enməyən qiymət - FOTO - ARAŞDIRMA

“InvestAZ”dan dünya maliyyə bazarları ilə bağlı həftəlik analiz

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Strateji Obyektlərin Mühafizəsi Dövlət Agentliyinin rəsmi emblemi haqqında Əsasnamə təsdiqlənib