Belarusun Azərbaycandakı səfiri Dmitri Pineviç diplomatik missiyanın əməkdaşları ilə birlikdə turizm və istehsal potensialını öyrənmək üçün Qarabağ bölgəsinə səfər edib.

BAKU.WS report-a iatinadən xəbər verir ki, bu barədə səfirliyin "Facebook" sosial şəbəkəsindəki rəsmi səhifəsində paylaşım edilib.

"Belarus nümayəndə heyəti əvvəllər xarici qonaqlar üçün əlçatmaz olan Laçın, Ağdərə, Şuşa, Zəngilan, Kəlbəcər, Xocalı, Ağdam rayonlarının, eləcə də Xankəndi şəhərinin unikal təbiəti, zəngin tarixi və inkişaf imkanları ilə tanış olub", - diplomatik missiyanın məlumatında bildirilib.

Qeyd olunub ki, tərəflər Belarus ali məktəbləri ilə Qarabağ Universiteti arasında əməkdaşlığın təhsil sahəsində əməkdaşlığın inkişaf perspektivlərini bir daha təsdiqləyiblər.

Səfər zamanı diplomatlar həmçinin istehsal obyektlərinə baş çəkib və işğaldan azad edilmiş ərazilərdə birgə əməkdaşlıq layihələri çərçivəsində Belarusla Azərbaycan arasında ikitərəfli əməkdaşlıq imkanlarını müzakirə ediblər.

"Səfirlik Qarabağa səfərdə göstərilən yardıma görə Azərbaycan Prezidentinin qeyd olunan rayonlardakı xüsusi nümayəndəliklərinə, Xarici İşlər Nazirliyinə və Prezident Administrasiyasına minnətdarlığını bildirir", - səfirliyin məlumatında qeyd olunub.

Oxşar xəbərlər

AFFA rəhbərliyi cənub bölgəsinə səfər edib

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Prezident İlham Əliyev Bakı Enerji Həftəsinin rəsmi açılış mərasimində iştirak edib