Hazırda Ukraynada hava hücumundan müdafiə üçün ciddi raket çatışmazlığı var.

Bunu "Far.Az"un Şərqi Avropa bürosuna açıqlamasında Ukrayna Hərbi Hava Qüvvələri Komandanlığının rəsmisi, polkovnik Yuri İqnat bildirib.

"Bu gün bizdə ciddi raket çatışmazlığı var. Biz demirik ki, onlar ümumiyyətlə yoxdur, lakin ballistik raketlərlə hücumları dəf etmək üçün onlar kifayət qədər azdır" - o bildirib.

O xatırladıb ki, Ukrayna son bir həftə ərzində ballistik raketlərlə və ballistik trayektoriya ilə hücum edən raketlərdən 50-yə yaxın atəşə məruz qalıb və onlar müəyyən obyektiv səbəblərə görə zərərsizləşdirilməyib.

Y. İqnat vurğulayıb ki, ümumilikdə 124 raket hücumu olub və ballistika kimi hücum edən "İskəndər-M", "Sirkon", "S-300", "S-400" raketləri ilə 50-ə yaxın atış olub.

"Əvvəllər, müdafiə qüvvələrində daha çox raket - Patriot, PAC-2, PAC-3 - sistemlərinə raketlər olduğu zaman, Ukrayna müəyyən sayda raketləri məhv etmək imkanına malik idi. Ukrayna bu məsələni həll etmək üçün bütün addımları atır".

Ukrayna preventiv addımlar kimi Rusiya ərazisinə zərbələr endirir və hədəflər arasında ballistik və qanadlı raketlərə komponentləri təmin edən istehsalat müəssisələri var:

"Belə hədəfləri vurmağın çox effektiv üsuludur. Bu, düşmənin döyüş potensialını azaldır. Digər effektiv tədbir iqtisadi sanksiyalardır".

Y. İqnat ümid etdiyini bildirib ki, Ukrayna tərəfdaşları ilə əməkdaşlıq çərçivəsində öz silahını yaradacaq, onlar texnologiyalarını Ukrayna ilə bölüşəcək, "Patriot" raketlərinin, sistemlərinin birgə istehsalını etmək mümkün olacaq".

Oxşar xəbərlər

Vilayət Eyvazov polislərə vətəndaşların şikayətlərinin obyektiv və həssaslıqla araşdırılmasını tapşırıb

Silahlı Qüvvələrin bir qrup hərbi qulluqçu təltif edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2