"Ziraat Bank Azərbaycan" ASC bu ilin I yarısını 11,591 milyon manat xalis mənfəətlə başa vurub.

"Far.Az" Bankın maliyyə hesabatına istinadən xəbər verir ki, bu, ötən ilin eyni dövrü ilə müqayisədə 14,4 % çoxdur.

Yanvar-iyun aylarında "Ziraat Bank Azərbaycan"ın əməliyyat gəlirləri 68,886 milyon manat (1 il əvvələ nisbətən 53,8 % çox), əməliyyat xərcləri 43,485 milyon manat (50,7 % çox), xüsusi ehtiyatlara ayırmaları 10,927 milyon manat (3,15 dəfə çox), gözlənilməz gəlirləri 42 min manat (42 dəfə çox), mənfəət vergisi ödəmələri isə 2,924 milyon manat (26,1 % çox) təşkil edib.

Bu il iyulun 1-nə "Ziraat Bank Azərbaycan"ın aktivləri 1 milyard 559,974 milyon manat olub ki, bu da illik müqayisədə 46 % çoxdur. Bunun 810,701 milyon manatı müştərilərə verilmiş xalis kreditlərdir. Son 1 ildə Bankın kredit portfeli 32 % böyüyüb.

İl ərzində kredit təşkilatının vaxtı keçmiş kreditləri isə 83,1 % artaraq 117,634 milyon manata çatıb.

Hesabat dövründə "Ziraat Bank Azərbaycan"ın öhdəlikləri 50 % artaraq 1 milyard 386,079 milyon manata, o cümlədən depozit portfeli 52,9 % artaraq 866,632 milyon manata, balans kapitalı isə 20,4 % artaraq 173,895 milyon manata çatıb.

Xatırladaq ki, "Ziraat Bank Azərbaycan" 2014-cü ildə yaradılıb. Onun nizamnamə kapitalı 65,5 milyon manatdır. Bankın səhmlərinin 99,98%-i Türkiyənin "Ziraat Bank"ına, 0,01%-i "Zıraat Sıgorta" şirkətinə, 0,01%-i isə "Ziraat Yatırım Menkul Değerler" şirkətinə məxsusdur.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

"Ziraat Bank Azərbaycan"ın problemli kreditləri 2 dəfədən çox artıb

"Ziraat Bank Azərbaycan"ın problemli kreditləri iki dəfədən çox artıb

"Ziraat Bank Azərbaycan"ın problemli kreditləri 44 % artıb

Problemli kreditlərdən necə xilas ola bilərik?