Meksika hökuməti ABŞ Narkotiklərlə Mübarizə İdarəsinin (DEA) rəhbəri Terri Koulun ölkə rəhbərliyi ilə mütəşəkkil cinayətkarlıq arasında guya mövcud olan əlaqələr barədə bəyanatlarını rədd edib.

"Report" xəbər verir ki, bu barədə ölkənin güc qurumlarının birgə bəyanatında deyilir.

Sənəddə vurğulanır ki, DEA rəhbərinin iddiaları heç bir əsasa malik deyil və Meksika hakimiyyətinin müntəzəm olaraq dərc etdiyi, eləcə də yoxlanılması mümkün olan cinayətkar təşkilatlara qarşı mübarizənin nəticələrinə ziddir.

Hökumətdən qeyd edilib ki, milli təhlükəsizlik strategiyası "sıfır cəzasızlıq" prinsipinə əsaslanır. Nümunə kimi 80-dən çox fəaliyyətdə olan və keçmiş dövlət qulluqçusunun, o cümlədən yeddi merin saxlanılması, habelə 2024-cü ilin oktyabrından 2026-cı ilin iyununadək 500 tona yaxın narkotik vasitənin və 5,5 milyondan çox fentanil həbinin müsadirə edilməsi göstərilir.

Xatırladaq ki, daha əvvəl DEA rəhbəri Terri Koul kartellərin və Meksika hakimiyyətinin "ayrılmaz" olduğunu bildirib, onlara qarşı mübarizəni bir nömrəli prioritet adlandırıb.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycandan Ermənistana 4 500 tona yaxın dizel yanacağı Güzdəkdən yola salınır

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Leyla Əliyeva Liv Bona Dea Hospitalında Sümük iliyi nəqli mərkəzinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2