ABŞ İraqdan Suriyaya neft kəmərinin inşası ilə bağlı danışıqlar aparır.

"Far.Az" xəbər verir ki, bu barədə mənbələrə istinadən "Bloomberg" məlumat yayıb.

Bu kəmərin nefti Hörmüz boğazından yan keçməklə nəql etməyə və İranın qlobal enerji tədarükünə təsirini azaltmağa imkan verəcəyi gözlənilir.

ABŞ-nin Suriya və İraq üzrə xüsusi elçisi Tomas Barrak uzun illərdir fəaliyyətsiz qalan İraqdan Suriyanın qərb sahillərinə qədər uzanan neft kəmərinin fəaliyyətinin bərpası barədə hər iki ölkənin rəsmi şəxsləri və şirkətlərlə, o cümlədən "Chevron Corp." (Nyu-York:CVX) ilə danışıqlar təşkil edib. Mənbələr qeyd edirlər ki, bir neçə alternativ marşrut nəzərdən keçirilsə də, müzakirələr iki onillikdən çox əvvəl bağlanmış Kərkük-Baniyas neft kəmərinin bərpası üzərində cəmləşib.

ABŞ Dövlət Departamentinin nümayəndəsi təsdiqləyib ki, ABŞ hökuməti İraq və Suriyanın iki ölkə arasında neft kəmərini bərpa etməklə ticarət marşrutlarının yaxşılaşdırılması səylərini dəstəkləyir və onun inşasında Amerika şirkətlərinin iştirakını gözləyir.

Daha əvvəl ABŞ Prezidenti Donald Tramp Ağ Evdə İraqın baş naziri Əli əl-Zeydi ilə görüşüb və bildirib ki, neft sahəsində sazişlər elan ediləcək.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2