Slovakiya Prezidenti Peter Pelleqrini Bakıdakı sevimli piyada marşrutlarından birinin adını çəkib.

"Report" xəbər verir ki, o, "AnewZ" telekanalına müsahibəsində bildirib ki, Bakıda tarix və müasirlik arasındakı sinerji onun xoşuna gəlir:

"Hər dəfə mən Bakıya gələndə yeni bir şey görürəm. Lakin yeni binalara baxmayaraq, siz hələ də köhnə şəhəri yaxşı vəziyyətdə qoruyub saxlayırsınız. Sahildən qədim tarixi qülləyə (Qız qalası, - red.) doğru gedəndə siz Bakının kiçik tarixi küçələrinə çıxırsınız. Bu, mənim çox xoşuma gəlir və mən bu sinerjini bəyənirəm ki, həm tarix yaxşı qorunub saxlanılıb, həm də 21-ci əsr küçələrdə hiss olunur".

P.Pelleqrini Bakıda keçirilən "Formula-1" barədə fikirlərini bölüşərək, şəhərin köhnə küçələrinin bura kontrast və möhtəşəmlik qatdığını qeyd edib:

"Formula-1"i televiziyadan izləyəndə çox gözəl mənzərələr görürsünüz. Odur ki, qədimlik və müasirlik arasındakı bu vəhdət mənim çox xoşuma gəlir və Bakıda ildən-ilə müşahidə olunan inkişafı görürəm".

Oxşar xəbərlər

Bakıdakı hərbi paraddan maraqlı FOTOLAR

Turistlərin sevimli şəhərinə çevrilmiş paytaxt Bakı

İlham Əliyev və Peter Pelleqrini Bratislavada Devin qəsrində olublar

Bakıda bir sıra küçələr yağış sularından təmizlənir

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3