Venesuelada dağıdıcı zəlzələlər nəticəsində ölənlərin sayı 4 734 nəfərə çatıb.

"Report" xəbər verir ki, bu barədə Venesuela Milli Assambleyasının sədri Xorxe Rodriqes özünün "Telegram" kanalında məlumat yayıb.

Onun dərc etdiyi gündəlik hökumət məlumatına əsasən, 16 740 nəfər yaralanıb, 17 907 sakin evsiz qalıb. 190 bina tamamilə dağılıb, daha 856 bina ciddi ziyan görüb. Axtarış-xilasetmə əməliyyatı zamanı 6 462 nəfər xilas edilib. 33 652 zərərçəkənə tibbi yardım göstərilib, 128 324 ailəyə yardım edilib. Müvəqqəti düşərgələrdə 20 903 nəfər yerləşdirilib, zərərçəkənlərə 10 min tondan çox ərzaq çatdırılıb.

Xatırladaq ki, iyunun 24-də Venesuelada təxminən 40 saniyə intervalla 7,2 və 7,5 maqnitudalı iki zəlzələ baş verib. Əsas yeraltı təkanlardan sonra 1 275 afterşok qeydə alınıb.

Oxşar xəbərlər

Balıkesirdəki zəlzələ zamanı 25 bina zərər görüb

Şükürbəyli kəndində daha 46 ailəyə evlərinin açarları təqdim olunub

İlham Əliyev Şuşanın Kiçik Qaladərəsi kəndində görülən işlərlə tanış olub və kəndə qayıdan sakinlərlə görüşüb - YENİLƏNİB

Beş tondan artıq narkotik vasitə məhv edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN