Pakistan öz hava məkanından Hindistan təyyarələrinin istifadəsinə qoyulan qadağanın müddətini avqustun 24-dək uzadıb.

"Far.Az" "Pakistan Today"ə istinadən xəbər verir ki, bu barədə Pakistan Hava Limanları İdarəsi məlumat yayıb.

Pilotlar üçün məlumatlandırma sisteminə (NOTAM) əsasən, məhdudiyyət avqustun 24-ü yerli vaxtla saat 23:59-dək qüvvədə olacaq.

Qadağa Hindistanda qeydiyyata alınmış bütün hava gəmilərinə, həmçinin hərbi aviasiya da daxil olmaqla Hindistan aviaşirkətləri və operatorlarına məxsus olan, onlar tərəfindən istismar edilən və ya icarəyə götürülən təyyarələrə şamil edilir.

Qeyd edək ki, İslamabad 2025-ci ilin may ayında iki ölkə arasında baş vermiş silahlı münaqişənin səbəb olduğu Yeni Dehli ilə münasibətlərin gərginləşməsindən sonra Hindistan təyyarələri üçün hava məkanını bağlayıb. O vaxtdan bəri məhdudiyyətlərin müddəti dəfələrlə uzadılıb. Qadağanın əvvəlki müddəti iyulun 24-də başa çatırdı.

Hava məkanının davamlı olaraq bağlı qalması qərb istiqamətində uçuşlar həyata keçirən Hindistan aviaşirkətlərini daha uzun marşrutlardan istifadə etməyə məcbur edir, bu da yanacaq sərfiyyatını və istismar xərclərini artırır.

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Media nümayəndələri üçün WUF13 haqqında məlumatlandırma sessiyası keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Nyu-Yorkun "Times" meydanında Zəfər Günü ilə bağlı məlumatlandırma aksiyası keçirilir