Bir müharibə vahid xalqı necə iki dövlətə bölə bildi və niyə 70 ildən çox vaxt keçdikdən sonra Koreya yarımadası hələ də dünyanın geosiyasi xəritəsində ən gərgin nöqtələrdən biri olaraq qalır?

"AnewZ" telekanalının yeni "Cəbhə xətti: Koreya – bir müharibə, iki həll" sənədli filmi tamaşaçıları Koreya müharibəsinin nəticələrinin bu günə qədər siyasəti, təhlükəsizliyi və milyonlarla insanın taleyini müəyyən etdiyi, dünyanın ən çox hərbiləşdirilmiş sərhədlərindən birinə aparır.

Filmin müəllifi və prodüseri Anastasiya Lavrina və rejissor Bəhruz Qədirov yarımadanın bölünməsinin nəticələrini bilavasitə yerində araşdırmaq üçün Koreya Respublikasına yollanıblar. Azərbaycandan olan jurnalistlər ilk dəfədir ki, bu mövzuya – Koreyanın hərbisizləşdirilmiş zonasından tutmuş, müharibə veteranlarının və onilliklər boyu sərhədlə bölünmüş ailələrin hekayələrinə qədər belə ətraflı sənədli baxış təqdim edirlər.

Filmin müəllifi Anastasiya Lavrinanın sözlərinə görə, Koreya yarımadası mövzusuna müraciət etmək qərarı təsadüfi olmayıb.

"Azərbaycanla Koreya Respublikası arasında münasibətlər ardıcıl olaraq inkişaf edir, siyasi, iqtisadi və humanitar əlaqələr genişlənir. Bu fonda Azərbaycanın getdikcə daha sıx əməkdaşlıq qurduğu ölkənin tarixini və müasir reallığını daha dərindən anlamaq xüsusilə vacibdir. Biz adi xəbər başlıqları çərçivəsindən kənara çıxmaq və Koreyanı onun tarixi, geosiyasəti və ən əsası, onilliklər keçməsinə baxmayaraq, yarımadanın bölünməsinin nəticələri ilə yaşamağa davam edən insanların taleləri vasitəsilə göstərmək istədik", – Lavrina qeyd edib.

Niyə sülh müqaviləsi imzalanmadı? Bu gün iki Koreyanı planetin ən çox qorunan sərhədlərindən birinin ayrı-ayrı tərəflərində saxlayan nədir? Birləşmə ideyasının gələcəyi varmı?

"Cəbhə xətti: Koreya – bir müharibə, iki həll" filmi qlobal münaqişələri və geosiyasi prosesləri hadisə yerlərindən reportajlar və tarixin mərkəzində olan insanların taleləri vasitəsilə araşdıran "AnewZ Frontline" beynəlxalq sənədli filmlər silsiləsinin davamıdır.

"AnewZ" "Cəbhə xətti: Koreya – bir müharibə, iki həll" sənədli filmini təqdim edib

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2