Bu gün rezidenturaya qəbul üzrə I mərhələdə müsabiqə şərtlərini ödəyən və II mərhələdə iştirak etmək hüququ olan namizədlərin qeydiyyatı başlayır.

Bu barədə "Far.Az"a Dövlət İmtahan Mərkəzindən (DİM) məlumat verilib.

Qeyd olunub ki, ötən illərdə rezidenturaya qəbulun I mərhələsində (baza fənləri üzrə biliklərin qiymətləndirilməsi imtahanında) "məqbul" nəticə əldə etmiş namizədlər də rezidenturaya qəbulun II mərhələsində (ixtisas fənləri üzrə biliklərin qiymətləndirilməsi imtahanında) iştirak etmək üçün "Namizədin elektron ərizəsi" formasını doldurur, müvafiq bənddə qeydiyyat aparmaqla ərizəni təsdiq edir (etdirir).

İxtisas fənləri üzrə biliklərin qiymətləndirilməsi imtahanına buraxılmış namizədlər tələb olunan məbləği "Şəxsi kabinet"lərinin hesabına əlavə edib Mərkəz tərəfindən müəyyən edilmiş müddətdə (22-30 iyul 2026-cı il tarixinə planlaşdırılır) qeydiyyatdan keçməlidirlər.

İmtahan suallarının cavablandırılmasına 2 saat 30 dəqiqə vaxt ayrılır. İxtisas fənləri üzrə biliklərin qiymətləndirilməsi imtahanına baza fənləri üzrə biliklərin qiymətləndirilməsi imtahanından "məqbul" alan (40 və daha çox olan bal toplayan) namizədlər buraxılırlar.

Xatırladaq ki, iyunun 22-də rezidenturaya qəbul imtahanının birinci mərhələsinin nəticələri açıqlanıb.

Oxşar xəbərlər

Rezidenturaya qəbul olmaq istəyənlərin NƏZƏRİNƏ - DİM-dən vacib açıqlama

Bu gündən rezidenturaya ərizə qəbulu elan edilib

Bu gündən rezidenturaya qəbulun 2-ci cəhdində iştirak üçün qeydiyyat başlayır

Rezidenturaya qəbul olmaq istəyənlərin NƏZƏRİNƏ - Qeydiyyat başlayır

İkinci cəhdə qeydiyyat BAŞLADI