ABŞ Ukraynaya 425 milyon dollar məbləğində növbəti silah paketi ayırdığını elan edib.

“Far.Az” xəbər verir ki, bu barədə Pentaqonun bəyanatında bildirilir.

Sənəddə qeyd olunub ki, yeni yardım paketinə NASAMS hava hücumundan müdafiə raket kompleksləri, HIMARS reaktiv yaylım atəş sistemləri, “Stinger” daşınan zenit-raket kompleksləri, 155 və 105 mm kalibrli artilleriya mərmiləri, TOW tank əleyhinə sistemlər üçün döyüş sursatı, “Javelin” və AT-4 tank əleyhinə komplekslər, PUA-lara qarşı mübarizə vasitələri, hava – yer sinifli döyüş sursatı, “Stryker” zirehli transportyorlar, atıcı silahlar və döyüş sursatı daxildir.

Həmçinin vurğulanıb ki, silahlar Kiyevə PDA (Presidential Drawdown Authority) mexanizmi vasitəsilə veriləcək ki, bu da ABŞ prezidentinə fövqəladə vəziyyət yarandığı təqdirdə xarici tərəfdaşa Konqreslə razılaşdırmadan silah tədarük etməyə imkan verir.

Oxşar xəbərlər

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Pentaqon Ukraynaya 250 milyon dollarlıq növbəti hərbi yardım tranşı ayırıb

ABŞ-ın Ukraynaya yeni yardım paketinə HIMARS raketləri və artilleriya mərmiləri daxildir

Pentaqon Ukrayna ordusunun silahları üçün vəsaitin qalan hissəsini açıqlayıb

ABŞ cümə günü Ukraynaya 125 milyon dollarlıq hərbi yardım ayıra bilər