ABŞ İranın nüvə obyektlərində əməliyyat keçirmək üçün bir neçə min hərbçini cəlb etməyi nəzərdən keçirir.

"Far.Az" xəbər verir ki, bu barədə "New York Post" qəzeti mənbələrə istinadən məlumat yayıb.

Qeyd olunub ki, müvafiq əmr veriləcəyi təqdirdə ABŞ-ın xüsusi təyinatlı qüvvələri İranın möhkəmləndirilmiş nüvə obyektlərində zənginləşdirilmiş uran ehtiyatlarının ələ keçirilməsi üzrə əməliyyata başlamağa hazırdır. Mənbələr bu əməliyyatı "tarixdəki ən mürəkkəb hərbi əməliyyat" adlandırırlar.

Məlumata görə, quru əməliyyatına minlərlə hərbçi cəlb oluna bilər. Onların vəzifəsi nüvə obyektlərinə hücum etmək və onları nəzarətə götürmək olacaq, xüsusi təyinatlı qüvvələrin kiçik bir qrupu isə zənginləşdirilmiş uranın ələ keçirilməsi ilə məşğul olacaq.

Xatırladaq ki, iyulun ortalarında "The Wall Street Journal" qəzeti ABŞ Prezidenti Donald Trampın əsas müşavirləri ilə keçirdiyi bir sıra iclaslardan sonra İrana qarşı hərbi kampaniyanın genişləndirilməsinə meylləndiyini yazmışdı.

Belə ki, nəzərdən keçirilən variantlar arasında İranın ərazisinə aviazərbələrin gücləndirilməsi, Hörmüz boğazı yaxınlığındakı adaların ələ keçirilməsi üçün quru qoşunlarının göndərilməsi, eləcə də ölkənin enerji infrastrukturuna zərbələrin endirilməsi var.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3