Venesuela Beynəlxalq Cinayət Məhkəməsindən (BCM) çıxmaq barədə yekun qərar qəbul edib və bu barədə BMT Baş katibi Antonio Quterreşə məlumat verib.

"Report" xəbər verir ki, bu barədə respublikanın xarici işlər və xarici ticarət naziri Feliks Plasensia öz "Telegram" kanalında məlumat verib.

Onun sözlərinə görə, Venesuelanın Prezidenti vəzifələrini icra edən Delsi Rodriqesin tapşırığı ilə Karakas Roma statutunu rəsmən denonsasiya edib və BCM-dən yekun çıxış proseduruna başlayıb.

Plasensia bildirib ki, Venesuela hakimiyyətinin fikrincə, məhkəmənin fəaliyyəti "açıq coğrafi qərəzlilik" ilə səciyyələnir və qeyri-mütənasib şəkildə Afrika və Latın Amerikası ölkələrində mərkəzləşib ki, bu da Qlobal Cənub dövlətlərinə ziyan vurur.

Nazir həmçinin vurğulayıb ki, Venesuela dövlət suverenliyinə və xalqların öz müqəddəratını təyin etmək hüququna hörmətə əsaslanan beynəlxalq ədalət mühakiməsinə sadiqliyini qoruyub saxlayır.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Sinqh: Hindistan xalqların öz müqəddəratını təyinetmə hüququnu tanımır - YENİLƏNİB-4

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2