ABŞ Konqresinin Senatında Rusiyaya qarşı sanksiyaların sərtləşdirilməsinə dair qanun layihəsi üzrə prosedur səsverməsi keçirilib.

"Report" xəbər verir ki, səsverməni "C-SPAN" telekanalı yayımlayır.

Proses hələ başa çatmayıb, lakin artıq 60-dan çox senator qanun layihəsi üzrə debatların qısaldılmasının lehinə çıxış edib - bu qədər "lehinə" səs yekun səsvermənin keçirilməsini planlaşdırmaq üçün kifayətdir.

Onun həftənin sonunadək keçirilə biləcəyi gözlənilir.

Sənədin mətninə əsasən, prezident ABŞ-yə idxal olunan Rusiya mallarına 500 %-dək, həmçinin Rusiya neft və qazının ən böyük beş alıcısına və sanksiyalardan yayınmağa kömək edən ölkələrə qarşı əlavə 100 %-lik rüsumlar tətbiq edə biləcək.

Qanun layihəsi, həmçinin 1996-cı il İrana qarşı sanksiyalar haqqında qanunun qüvvədə olma müddətini 2031-ci ilə qədər uzadır. Sənəd İranla biznes aparan qeyri-Amerika şirkətlərinə qarşı ikinci dərəcəli iqtisadi sanksiyaları nəzərdə tutur. Qanunun qüvvədə olma müddəti bu il başa çatırdı.

Oxşar xəbərlər

Bu günün valyuta məzənnələri

Azərbaycanda 1 lirə 5 qəpikdən aşağı düşüb

Ali məktəblərə qəbulun nəticələri açıqlanıb

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Zorakılıq qurbanlarını necə mühafizə edək? - ARAŞDIRMA